गण्डकी प्रदेश । गण्डकी प्रदे मा थप २४ जनामा कोरोना संक्रमण पुष्टि भएको छ । यो सँगै उक्त प्रदेशमा कोरोना संक्रमितको संख्या ३४८ पुगेको छ ।

प्रदेश स्वास्थ्य निर्देशनालय पोखराले बिहान ६ बजे जारी गरेको पछिल्लो अद्यावधिक विवरणअनुसार पश्चिमाञ्चल क्षेत्रीय अस्पतालको प्रयोगशालामा गरिएको परीक्षणमा पोखरमा छ, बागलुङमा १४, नवलपरासी र स्याङ्जामा दुई(दुई जना संक्रमित थपिएका छन् । कास्कीमा संक्रमितमा पोखरा महानगरपालिकाका ४१, १९, १९ वर्षका पुरुष र ३० र ५६ वर्षका महिला तथा रुपा गाउँपालिकाका ४५ वर्षीय पुरुष छन्।

त्यसैगरी बागलुङमा गलकोट नगरपालिकाका ३५, ३८, ३०, २२, १९, ४५ वर्षका पुरुष, ४२ र ३० वर्षका महिला, काठेखोला गाउँपालिकाका २४, २९, २२, २०, २३ र १९ वर्षका पुरुषमा सङ्क्रमण पुष्टि भएको निर्देशनालयका निर्देशक एवं प्रदेशमा कोरोना रोकथाम, नियन्त्रण एवं व्यवस्थापनका लागि गठन गरिएको उच्चस्तरीय निर्देशक समितिका प्रवक्ता डा विनोदविन्दु शर्माले जानकारी दिए।

स्याङ्जाको कालीगण्डकी गाउँपालिकाका ३६ वर्षीय पुरुष र पालिका नखुलेको एक ६३ वर्षीय पुरुष तथा नवलपरासीमा विनय त्रिवेणी गाउँपालिकाका २८ र २० वर्षका पुरुषमा सङ्क्रमण फेला परेको जनाइएको छ।

नयाँ संक्रमित भारतबाट आएर सम्बन्धित जिल्लाको क्वारेन्टिनमा रहेका भएको र अहिले सबै जनालाई जिल्लास्थित आइसोलेसन कक्षमा लैजाने तयारी भइरहेको निर्देशक शर्माले जानकारी दिए।

गण्डकी प्रदेशमा हालसम्म मुस्ताङबाहेकका १० जिल्लामा सङ्क्रमण देखिएको छ। पछिल्लो अद्यावधिक विवरणअनुसार प्रदेशमा संक्रमितको संख्या ३ सय ४८ पुगेको छ ।

हालसम्म स्याङ्जामा ७५, नवलपरासी बर्दघाट सुस्ता पूर्वमा ९९, बागलुङमा ५६, पर्वतमा ३८, गोर्खामा ३६, तनहुँमा २६, कास्कीमा १३, म्याग्दीमा तीन तथा लमजुङ र मनाङमा एक(एक जना संक्रमित छन्। कूल संक्रमितमध्येमा २० जना महिला छन्।

हालसम्म ३४ जना विभिन्न अस्पतालमा उपचारपछि निको भएर घर फर्किएका छन्। एक जना संक्रमितको भने मृत्यु भएको छ। प्रदेशमा हालसम्म आठ हजार ४४३ जनाको पिसिआर विधिबाट कोरोना परीक्षणका लागि नमूना संकलन९स्वाब० लिइएकामा छ हजार २९५ जनाको नतिजा नेगेटिभ आएको छ।

प्रयोगशालामा अझै एक हजार ८२४ जनाको नतिजा आउन बाँकी रहेको प्रादेशिक स्वास्थ्य आपतकालीन कार्य सञ्चालन केन्द्रका संयोजक नवराज शर्माले बताए।