काठमाडौं । विदेशबाट आज २४ जनाको शव नेपाल आइपुग्ने भएको छ । । वैदेशिक रोजगारीको क्रममा विभिन्न देशमा ज्यान गुमाएका नेपालीहरुको शव आज ल्याउन लागिएको हो ।वैदेशिक रोजगार बोर्डका अनुसार कतारबाट मात्रै २० नेपालीको शव ल्याइदैँछ ।

त्यस्तै युएईबाट एक, कुवेतबाट दुई र साउदीबाट एकजनाको शव नेपाल ल्याउन लागिएको वैदेशिक रोजगार बोर्डले जनाएको छ । बोर्डका अनुसार कतारबाट कपिलवस्तुका महमुद अलमान मुसलमान, सिरहाका रुपेशकुमार मण्डल र कासिदेव यादब, सप्तरीका राजेन्द्रप्रसाद मण्डल, सर्लाहीका मुस्ताक साइक र मनोज पासवान, सधोवाका पासवान र अरुणकुमार पंजियारको शव नेपाल ल्याइदैँछ ।

त्यस्तै लमजुङका कुम्बा तामाङ, बाँकेका भक्तबहादुर थापामगर, मोरङका युवराज अधिकारी, भोजपुरका मीनबहादुर थापा र मंगलबहादुर तामाङ, सुर्खेतका नरबहादुर कामी, बर्दियाका सुकराम थारु्, महोत्तरीका शिवशंकर राउत र अनिल चौधरी, धनुषाका चुतर्वा मण्डल, मकवानपुरका जितेन्द्र थापामगर र रुपन्देहीका यामबहादुर थापाको शव नेपाल ल्याइदैँछ ।
बोर्डका अनुसार साउदीबाट भैरब बहादुर बस्नेत, कुवेतबाट नुवाकोटका सोनि तामाङ र सङ्खुवासभा मानव आलेको शव नेपाल ल्याइदैँछ भने सोलुका पेम्बा नुर्बु शेर्पाको शव नेपाल ल्याइदैँछ । निर्देशक श्रेष्ठका अनुसार ७ वटा शव काठमाडौँमै अन्त्येस्टी गर्ने र बाँकी घरसम्म पुर्याइदिने व्यवस्था छ ।

बैदेशिक रोजगार बोर्डका अनुसार कतार एयरवेजमार्फत २० वटा शवसँगै अन्य ४३ जना नेपाली कामदार पनि ल्याइदैँछ । उनीहरुलाई कतार सरकार आफैले पठाउन लागेको बोर्डले जनाएको छ ।