काठमाडौं । सरकारले सर्वोच्च अदालतको फैसलाले प्रधानमन्त्री केपी शर्मा ओलीलाई राजीनामा दिनबाट रोकेको निष्कर्ष निकालेको छ । संचारमन्त्री तथा सरकारका प्रवक्ता समेत रहेका पर्वत गुरुङले नियमितको पत्रकार सम्मेलनमा फैसलाको सार पढ्दै उक्त भनाई राखेका हुन् ।

‘सर्वोच्च अदालतले बहुमतप्राप्त संसदीय दलको प्रधानमन्त्रीले राज्य सञ्‍चालन गर्नु संवैधानिक र नैतिकताको विषय भएको फैसला गरेको छ । निर्वाचनको माध्यमबाट बहुमत पाएको र त्यसको संसदीय दलको नेतासँग सरकार बनाउने र राज्य सञ्‍चालन गर्ने बाहेक अन्य कुनै संवैधानिक विकल्प नै रहँदैन । अदालतले नै राजीनामा दिनबाट रोकेकाले प्रधानमन्त्रीले राजीनामा दिन मिल्दैन, मन्त्री गुरुङले भने ।