काठमाडौं । नेकपा माओवादी केन्द्रबाट प्रतिनिधिसभामा विजयी ४ सांसदको पद निलम्बन भएको छ ।

उनीहरुलाई निलम्बन गरिएको पत्र संसद सचिवालयमा दर्ता भएको बताइएको छ । मन्त्री रामबहादुर थापा बादलबारे कारबाही गरेको पत्र भने माओवादीले सचिवालयमा दर्ता गराइसकेको छैन ।  सांसदहरु टोप बहादुर रायमाझी, लेखराज भट्ट, प्रभु शाह र गौरी शंकर चौधरीलाई पार्टी सदस्य र सांसद समेत नरहने गरी कारबाही गरिएको पत्र संसद सचिवालयमा दर्ता गरिएको छ । 

चारैजना सांसदहरु हाल केपी शर्मा ओलीले नेतृत्व गरेको नेकपा एमालेमा रहेका छन् ।